Argentinalik futbolchi Lionel Messi chempionatlarda 500 ta gol urdi. “Inter Mayami” hujumchisiga bu muhim ko‘rsatkichga erishish uchun qancha vaqt kerak bo‘ldi?
Faqat bir nechta o‘yinchilargina bu marraga yeta olgan. Messi ham bu elitaga qo‘shildi
Leo gollarining aksar qismini Yevropada, “Barselona” va “PSJ”dagi faoliyati davomida urgan. Aniqroq qilib aytadigan bo‘lsak, 474 ta gol “Barselona” safida, 22 tasi “PSJ”da, so‘nggi 4 ta gol esa “Inter Mayami”dagi o‘yinlarda urildi.
36 yoshli futbolchi 3-mart, yakshanba tongida “Orlando Siti”ga qarshi o‘yinda dubl qayd etdi va bu ikki gol uni 500 lik marraga yetkazdi.
Messining 500-goliga Suaresning assistlik qilishi ham futbolchiga o‘zgacha zavq berdi. Urugvaylik hujumchi chap qanotdan uzatmani amalga oshirdi va Messi o‘z vaqtida boshi bilan zarba yo‘lladi.
Argentinalik hujumchi MLS’ga moslashib olayotganini inobatga olsak, endilikda bu ko‘rsatkich yanada yaxshilanishiga umid qilsak bo‘ladi.
Statistikaga tayanadigan bo‘lsak, Leo MLS’da har 90 daqiqada gol urishga erishmoqda. Agar Messi mavsum so‘nggigacha ushbu natijani saqlay olsa, mavsum so‘nggigacha 34 ta gol urishi mumkin.
Ronaldu bu marrani qachon zabt etgan?
Krishtianu Ronaldu esa 2023-yilning 9-fevralida o‘zining chempionatdagi 500-golini urgan. U “An-Nassr”ning “Al-Vahda”ga qarshi o‘yinida poker qayd etdi.
2023-yilda bu muhim natijaga erishgandan buyon, 39 yoshli futbolchi o‘z hisobiga ko‘plab gollarni yozib qo‘ydi. Uning hozirda chempionatlarda urilgan gollari soni 534 ta.
Ronalduning dastlabki 500 ta golidan 311 tasi “Real”da, 103 tasi “Manchester Yunayted”da, 81 tasi “Yuventus”, 3 tasi “Sporting”da va oxirgi ikkita gol “An-Nassr”da urilgan.
Bu ikki futbol yulduzining 30 yoshdan keyingi o‘yinlari ham muxlislarni hayron qoldirmoqda. Futbolchilar hali ham o‘zlaridan ancha yosh futbolchilar bilan tengma-teng kurasha olyapti.
Xo‘sh, futbolchilarning 500 ta gol urish uchun qancha vaqt sarflangan?
Izoh (0)