Portugaliya terma jamoasi sardori va hujumchisi Krishtianu Ronaldu Millatlar Ligasi finalidagi Ispaniyaga qarshi bo‘ladigan o‘yin oldidan o‘z fikrlari bilan o‘rtoqlashdi.
Jamoamizda kayfiyat yuqori, o‘zimizga bo‘lgan ishonch kuchli. Oldimizda dunyoning eng kuchli terma jamoalaridan biri turgani aniq, ammo yarim finaldagi g‘alabadan keyin bizda ishonch yanada ortdi. Umid qilamanki, hal qiluvchi bahsda o‘zimizning eng yaxshi tomonimizni ko‘rsatib, g‘alabani qo‘lga kiritamiz. Final o‘yini — bu doimiy bosim ostidagi kurash, ammo biz xotirjammiz va o‘z kuchimizga ishonamiz, deya Ronaldu so‘zlarini keltiradi UEFA rasmiy sayti.
Eslatib o‘tamiz, Portugaliya terma jamoasi yarim finalda Germaniyani 2:1 hisobida mag‘lub etdi. G‘alaba goliga 40 yoshli Krishtianu Ronaldu mualliflik qilgan edi.
Millatlar Ligasi finali 8-iyundan 9-iyunga o‘tar kecha kuni bo‘lib o‘tadi. Uchrashuv O‘zbekiston vaqti bilan 00:00 da boshlanadi.
Izoh (0)