Xonanda Xurshid Rasulovning “IntervyuTV” YouTube kanaliga bergan intervyusida maʼlum qilishicha, bundan 20 yil avval kliplari “Yoshlar” telekanalida hech qanday sabablarsiz efirga uzatilmagan.
2005-yildan “Yoshlar” kanaliga umuman chiqarmay qo‘yishdi. Klip tayyorlab olib boraman, o‘tmaydi. Nimaga o‘tmaydi? Kim tomonidan meni chiqarilmasin, degan topshiriq bo‘lganini bilmayman. Bir tanishimiz “Nima qilgansiz o‘zi”, deb so‘radi. Sababini so‘rasam, “Bilmasam”, deb javob bergandi, dedi xonanda.
Uning eslashicha, kimdir unga bitta to‘yga borishini so‘ragan va u buni rad etgan.
Bir inson (xonanda uni aynan kimligini maʼlum qilmagan — tahr.) menga “To‘yga borib bering”, dedi. Boshida bormayman dedim, keyin o‘sha to‘yga bordim ham. Qo‘limda aniq dalil yo‘q, lekin boshida rad qilganim meni “zapret”ga tushishimga sabab bo‘lgandir, deb o‘ylayman, dedi Xurshid Rasulov.
Xonandaning qo‘shimcha qilishicha, u “Yoshlar” telekanalida chiqarilmasa ham, davlat tadbirlarida ishtirok etishiga hech qanday monelik bo‘lmagan.
Mazkur suhbatda Xurshid Rasulov “ko‘cha”ga pul bermagani, borgan to‘yida kelin qochib ketgani, sozanda to‘satdan vafot etgani haqida aytib bergan.
Izoh (0)