Jurnalist Behzodbek Ahrorov Instagram’dagi sahifasi orqali vodiylik san’atkorlarning Farg‘ona bo‘ylab to‘ylardagi “birrov” va navbatchilik xizmatlarining narxiga aniqlik kiritdi.
“Ovoz” loyihasi g‘olibi Shohruhmirzo G‘aniyevning “birrov” xizmati 300, navbatchilik qilib berishi esa 800 dollarga baholangan.
“Mister Qaha” taxallusi bilan ijod qiladigan xonanda Qahramon To‘xtasinov “birrov” xizmati uchun 400, nikohning boshidan oxirigacha esa 700 dollar oladi.
Muhsinbek Mo‘minovning navbatchiligi 700, Yahyobek Mo‘minovniki 1 500 dollarga baholanadi.
Abdujalil Qo‘qonov Farg‘onadagi to‘y-u tantanalarga 500 dollarga borib beradi, uning navbatchiligi uchun esa 1000 dollar to‘lash kerak bo‘ladi.
Tohir Mahkamovning “birrov”i 700, navbatchiligi esa 2000 dollar etib belgilangan.
Qilichbek Madaliyev 1000 dollarga “birrov”, 2 ming dollarga esa to‘yning boshidan oxirigacha kuylaydi.
Jaloliddin Ahmadaliyevning vodiy to‘ylaridagi “birrov” xizmati narxi 2500 dollar atrofida.
Otabek Muhammadzohidning 1 soat xizmat qilib berish narxi 2500 dollarga baholangan.
Xurshid Rasulovning 40 daqiqalik “birrov”i 1500 dollar, “dejur” xizmati esa 2500 dollarni tashkil etadi.
Izoh (0)