Zamonaviy tibbiyot va sog‘liqni saqlash sohasida eng qimmat boylik — bu bilim va malakali mutaxassislar. Ayniqsa, farmatsevtika sohasi — dori vositalarini ishlab chiqarish, ularning sifati, xavfsizligi va samaradorligini nazorat qilish kabi yo‘nalishlari bilan bugungi kunda talab yuqori va istiqbolli sohalardan biridir.
Orzungiz farmatsevt bo‘lishmi? Toshkent Farmatsevtika Instituti sizga bu orzuni ro‘yobga chiqarishda ishonchli hamroh bo‘ladi.
Davlat ta’limi – sifatli, barqaror va tan olingan
Bu davlat oliy ta’lim muassasasi bo‘lib, o‘quv dasturlari mamlakatning ta’lim standartlariga to‘liq mos keladi va doimiy ravishda takomillashtirib boriladi.
Sizga beriladigan diplom butun O‘zbekistonda va xorijda yuridik kuchga ega bo‘lib, barcha rasmiy va xalqaro tashkilotlar tomonidan tan olinadi.
Ta’lim sifati va akademik jarayonlar ustidan doimiy monitoring olib boriladi, bu esa sizning ta’limingiz barqaror va ishonchli ekanligining kafolatidir.
Toshkent Farmatsevtika Instituti 85 yillik boy tarixga ega bo‘lib, O‘zbekiston va jahon farmatsevtika sohasida yetakchi mutaxassislar tayyorlashda katta rol o‘ynaydi. Institut bitiruvchilari nafaqat farmatsevtika sanoati korxonalari va dorixonalarida rahbarlik qilmoqda, balki insoniyat tarixini o‘zgartira oladigan yangi dori-darmon va texnologiyalarni yaratishda ham faol ishtirok etmoqda.
Shuningdek, talabalar uchun qulay yashash sharoitlari ham yaratilgan – mehmonxona tipidagi xonalar ta’lim davomida barcha zarur qulayliklar bilan ta’minlangan.
“Toshkent farmatsevtika instituti o‘ziga xos yondashuv va yuqori darajadagi ilmiy salohiyatga ega professor-o‘qituvchilari bilan ajralib turadi. Xalqaro va qo‘shma ta’lim fakultetida ta’lim berayotgan professor-o‘qituvchilar safida professorlar, fan doktorlari, dotsentlar, shuningdek, xorijiy mamlakatlarda tahsil olgan yosh iqtidorli pedagog kadrlarimiz faoliyat olib bormoqda”, deydi Xalqaro va qo‘shma ta’lim fakulteti dekani, farmatsevtika fanlari falsafa doktori Dilshod Sabirov,
Xalqaro qo‘shma ta’lim dasturlari — ikki diplomni bitta yo‘lda qo‘lga kiriting
Toshkent Farmatsevtika Instituti xalqaro miqyosda tan olingan, zamonaviy talablar asosida ishlab chiqilgan ikki qo‘shma ta’lim dasturini taklif qiladi.
-eZxFYzvg.avif)
- “5+0” dasturi — Rossiyaning Belgorod davlat milliy tadqiqot universiteti bilan hamkorlikda tashkil etilgan. Talabalar Toshkentda to‘liq o‘qiydi, ammo 25% darslarni xorijlik professor-o‘qituvchilar olib boradi. Natijada, siz ikki diplomga ega bo‘lasiz: Toshkent farmatsevtika instituti bakalavr diplomi va Belgorod universitetining mutaxassislik diplomi.Bu O‘zbekistonda magistratura darajasi sifatida tan olinadi. Bu dastur talabalarga xorijga chiqmasdan, xalqaro darajadagi bilim olish imkonini beradi.
- “3+2” dasturi — Sankt-Peterburg davlat kimyo-farmatsevtika universiteti bilan hamkorlikda tashkil etilgan. Bu dasturda talabalar dastlab 3 yil Toshkentda o‘qib, so‘nggi 2 yilni Rossiyada davom ettiradi. Natijada ikki diplom qo‘lga kiritiladi: Toshkent farmatsevtika instituti bakalavr diplomi va Sankt-Peterburg universitetining magistrlik diplomi. Ushbu yo‘l talabalarga xorijiy ilmiy muhit va amaliyot tajribasini orttirish imkonini yaratadi.
“2025/2026-yillarda Toshkent farmatsevtika institutida yangi yo‘nalish ochildi: davolash ishi yo‘nalishi. Davolash ishi yo‘nalishi olti yil davomida kunduzgi shaklda davom ettiriladi. Dars jarayonlari yangi laboratoriyalarda hamda markazlashgan moddiy-texnik bazalarda o‘qitiladi”, deydi Xalqaro hamkorlik bo‘yicha prorektor, farmatsevtika fanlari doktori Umida Tillayeva
-gHTAXgzP.avif)
Farmatsiya sohasining keng imkoniyatlari
Farmatsiya — faqat dorixonada ishlashdan iborat emas. Bu soha sizga:
- Dori vositalarini ishlab chiqarish va patentlash;
- Farmatsevtik sanoat korxonalari va laboratoriyalarda faoliyat yuritish;
- Ilmiy-tadqiqot institutlarida ilmiy ishlar olib borish;
- Klinikada dori sifatini nazorat qilish markazlarida ishlash;
- Xalqaro farmatsevtik kompaniyalar va distribyutorlar tizimida faoliyat yuritish kabi imkoniyatlarni taqdim etadi.
Qabul shartlari va to‘lovlar
- 1-bosqich: Kimyo va Biologiya fanlaridan 56,7 va undan yuqori ball talab qilinadi.
- 2-bosqich: Rus tili fanidan kamida 56,7 ball kerak.
Yillik to‘lov — xalqaro sifatli ta’lim uchun atigi 2300 AQSH dollari, bu o‘z sohasida nihoyatda maqbul narx hisoblanadi.
Toshkent farmatsevtika instituti sizga:
- Davlat diplomiga ega bo‘lish kafolati
- Xalqaro miqyosda tan olingan bilim va malaka
- Ikkita oliy diplom – bitta ta’lim jarayonida
- Farmatsiya sohasida keng imkoniyatlar ochadigan kasb yo‘li
- Yurtimizda qolib, chet el diplomini olish imkoniyatini taqdim etadi.
Havola orqali ro‘yxatdan o‘ting: https://Toshkent farmatsevtika instituti
Sizning kelajagingiz farmatsevtika sohasida muvaffaqiyat bilan boshlanishini xohlaysizmi? Unda Toshkent Farmatsevtika Institutiga hoziroq murojaat qiling.
Murojaat uchun:
+998 (93) 170-51-15
+998 (90) 053-27-28
+998 (90) 904-54-94
Manzil: Toshkent shahri, Oybek ko‘chasi, 45
Reklama huquqi asosida.
Izoh (0)