China Mobile kompaniyasi dunyodagi birinchi kichik miqyosli tajribaviy oltinchi avlod 6G aloqa tarmog‘ini ishga tushirganini e’lon qildi. Sinov infratuzilmasi 10 ta tayanch stansiyani o‘z ichiga oladi. Bu haqda MyDrivers xabar bermoqda.
Ma’lum qilinishicha, loyiha tadqiqot maqsadlarida amalga oshirilmoqda va joriy bosqichda tijorat maqsadlarida foydalanishni ko‘zda tutmaydi.
Operator ma’lumotlariga ko‘ra, dastlabki sinovlar davomida ma’lumotlarni uzatish tezligi 280 Gbit/s ga yetdi. Bu 5G tarmoqlarining nazariy maksimal ko‘rsatkichidan 14 barobar yuqori. Bunday tezlikda 50 Gb hajmdagi ma’lumotni bir yarim soniyadan kamroq vaqt ichida uzatish mumkin, bu zamonaviy simli yechimlar imkoniyatlaridan ancha tezroq.
China Mobile kompaniyasining 6G yo‘nalishidagi ilmiy-tadqiqot va tajriba-konstruktorlik ishlariga kiritgan jami sarmoyasi 39,1 milliard yuandan (taxminan 544 million dollar) oshdi. Kompaniya ilmiy-texnik rivojlanish sohasidagi to‘rtta asosiy milliy loyihada ishtirok etayotgani va o‘nta ustuvor 6G texnologiyalari ro‘yxatini shakllantirgani haqida ma’lum qildi.
Hozirgi rejalarga ko‘ra, Xitoyda oltinchi avlod tarmoqlarini to‘liq miqyosda joylashtirish 2028-yilga qadar boshlanishi mumkin.
Izoh (0)