“Tottenhem” 25 yoshli “Nottingem Forest” hujumkor yarim himoyachisi Morgan Gibbs-Vayt transferi bo‘yicha rasmiy taklif yubordi. Bu haqda jurnalist Fabritsio Romano X (sobiq Twitter) ijtimoiy tarmog‘ida xabar berdi.
Avvalroq OAV ingliz futbolchisi “Manchester Siti” bilan shaxsiy shartnoma shartlarini kelishib olganini ma’lum qilgandi. Shuningdek, “o‘rmonchilar” jamoaning yetakchilaridan birini sotish istagi yo‘qligini ta’kidlagan edi.
O‘tgan mavsumda yarim himoyachi barcha musobaqalarda 38 ta o‘yinda maydonga tushib, 7 ta gol urdi va 10 ta golli uzatmani amalga oshirdi. Futbolchining amaldagi mehnat shartnomasi 2027-yilning yoziga qadar mo‘ljallangan. Transfermarkt portali ma’lumotiga ko‘ra, uning bozor qiymati 50 million yevroni tashkil etadi.
“Manchester Siti” yarim himoyachisi Jeyms Makeyti “Nottingem Forest” e’tiboriga tushgani xabar berilgan edi.
Izoh (0)