“Manchester Siti” bosh murabbiyi Xosep Gvardiola yozgi transferlar oynasida jamoani tark etishi mumkin bo‘lgan futbolchilar borasida izoh berdi. Bu haqda Euro-Football nashri xabar bermoqda.
Mutaxassis ayni paytda hech qanday aniq qaror qabul qilinmaganini ta’kidladi:
Yozda kimlar jamoani tark etishi mumkin? Bu borada hozircha qaror qilganimiz yo‘q. Rahbariyat bilan maslahatlashamiz, futbolchilar bilan ham suhbat bo‘ladi. Bizda yaxshi tarkib bor, oldinda esa uzoq mavsum kutmoqda. Har qanday holat yuz berishi mumkin, — deydi Gvardiola City Xtra nashriga.
Eslatib o‘tamiz, o‘tgan mavsumda “Manchester Siti” Angliya Premyer Ligasini 3-o‘rinda yakunlagan. Liga Kubogi finalida mag‘lub bo‘lib, sovrinni qo‘lga kirita olmagan. Chempionlar Ligasida esa “Real Madrid”ga yutqazib, musobaqani tark etgan.
Shuningdek, “Siti” Klublar o‘rtasidagi Jahon chempionatida ham ishtirok etdi. Ammo 1/8 final bosqichida Saudiya Arabistonining “Al-Hilol” jamoasiga 3:4 hisobida yutqazib, musobaqani erta yakunladi.
Izoh (0)