“Manchester Siti” bosh murabbiyi Pep Gvardiola jamoasining Klublar o‘rtasidagi Jahon chempionati 1/8 final bosqichida “Al-Hilol”ga 3:4 hisobida mag‘lub bo‘lgani haqida fikr bildirdi.
Ispaniyalik mutaxassis mag‘lubiyatning asosiy sababi haqida shunday dedi:
— Biz “Al-Hilol”ga qarshi hujumlar uchun imkon yaratib qo‘ydik, lekin o‘zimiz ham ko‘plab vaziyatlar yaratdik. Umuman olganda, jamoa yomon o‘ynamadi. Afsuski, bu safar omad biz tomonda bo‘lmadi. Jamoa yaxshi holatda edi. Endi uyga qaytish va biroz dam olish vaqti keldi. Keyingi mavsumga yangi kuch bilan qaytamiz.
Shuningdek, Gvardiola jamoa tarkibi haqida ham fikr bildirdi:
— Tarkibimiz juda kuchli, ammo ba’zi futbolchilarni maydonga tushira olmaganimdan afsusdaman. Ularni o‘ynatishni juda xohlagandim, lekin buning imkoni bo‘lmadi. Katta tarkibimiz bor. Bu borada qarorni keyinroq hal qilamiz. Hozirgi vaziyat qiyin, lekin yaqin kunlarda tiklanamiz va Premyer Ligadagi yurishimizni boshlaymiz.
Ma’lumot uchun, “Manchester Siti” guruh bosqichidagi barcha uchrashuvlarda g‘alaba qozonib, 9 ochko bilan keyingi bosqichga yo‘l olgandi. “Shaharliklar” 1/8 final bosqichida “Al-Hilol”ga mag‘lub bo‘lib, turnir bilan xayrlashdi.
Izoh (0)