33 yoshli braziliyalik futbolchi Neymar to‘rtinchi marta ota bo‘ldi. Sportchi 31 yoshdagi sevgilisi Bruna Byankardi bilan 4 yildan beri birga yashaydi. Ular yaqinda qiz farzandli bo‘ldi.
Ijtimoiy tarmoqlarda ular tug‘ruqxonadan birinchi suratlarini joylashtirib, merosxo‘rining ismini ham e’lon qildi. Bruna yangi tug‘ilgan qiziga Mеl deb ism qo‘yganini aytdi.
Bizning Mel hayotimizni yanada go‘zallashtirish va unga yanada chuqur ma’no berish uchun dunyoga keldi. Xush kelibsiz, qizim! Xudo seni himoya qilsin va yomonliklardan saqlasin, deydi Bruna.
Meldan tashqari, juftlikning katta qizi Mavi ham bor, u deyarli ikki yoshga to‘lgan. Uning tug‘ilishidan atigi uch oy o‘tib, sportchi yana ota bo‘lishi haqida xabar chiqqan. Biroq futbolchining yana bir qizi — Helenning onasi Bruna emas, balki model Amanda Kimberli ekani ma’lum bo‘lgan. Braziliyaning “Santos” klubida o‘ynovchi hujumchi ijtimoiy tarmoqlarda xiyonat qilganlikda ayblangan. Ammo keyinchalik ma’lum bo‘lishicha, Amanda bilan munosabatlar boshlanishidan oldin Neymar va Bruna allaqachon ajrashgan ekan. Vaqt o‘tib, ular yana birga bo‘lgan va hozirda Bruna va Neymar o‘rtasida baxt va bir-birini tushunish hukmronlik qilayotgani aytiladi.
Bu esa sevishganlar bir necha bor jamoatchilik skandal markazida bo‘lganiga qaramay sodir bo‘lmoqda. 2023-yilda ular hatto futbolchining xiyonat qilishiga ruxsat berish shartlarini kelishib olgan. O‘shanda Neymar Bruna oldida ommaviy tarzda kechirim so‘ragan. Qiz uni kechirgan va keyinchalik futbolchi bilan turmush qurganini e’lon qilgan.
Sportchining sobiq sevgilisi Karolina Dantasdan 14 yoshli o‘g‘li Davi Lukka ham bor. Bola dunyoga kelganida Neymar 19 yosh, Karolinaga esa 17 yosh edi. Bolani dunyoga keltirgandan so‘ng ular tez orada ajrashdi, ammo iliq munosabatlarni saqlab qolishga muvaffaq bo‘ldi.
Izoh (0)