Asli Gruziyadan bo‘lgan, biroq Ispaniya sharafini himoya qilayotgan 28 yoshli UFC jangchisi Iliya Topuriya yil oxirigacha yana bir jang o‘tkazishga tayyor ekanini ma’lum qildi. Bu haqda MMA Mania portaliga tayanib, Championat nashri xabar berdi.
Agar UFC men uchun jang tashkil qilishni rejalashtirgan bo‘lsa, yil oxirigacha yana bir marta oktagonga chiqishga tayyorman, — dedi Topuriya.
Topuriyaning so‘nggi jangi 29-iyun kuni AQShning Nevada shtatida, Las-Vegas shahrida o‘tkazilgan UFC 317 turnirida bo‘lib o‘tdi. U ushbu oqshomda 35 yoshli sobiq UFC chempioni, braziliyalik Charlz Oliveyraga qarshi jang qildi.
Jang yuqori tempda boshlangan bo‘lsa-da, uzoqqa cho‘zilmadi — Topuriya raqibini birinchi raunddayoq nokautga uchratdi. Shu tariqa, Iliya Topuriya UFC yengil vazn toifasining yangi chempioniga aylandi va promoushen tarixida ikki vazn toifasida chempionlik kamarini qo‘lga kiritgan o‘ninchi jangchiga aylandi.
Izoh (0)