Madridning “Real” klubi braziliyalik hujumchi Vinisius Junior bilan yangi shartnoma borasida to‘liq kelishuvga erisha olmadi. Bu haqda Ispaniyaning El Chiringuito nashri xabar bermoqda.
Manbaga ko‘ra, tomonlar yangi shartnoma shartlarini muhokama qilib, yakunda bir qarorga kelmagan. Agar barcha tafsilotlar bo‘yicha kelishuvga erishilsa, 24 yoshli futbolchi “qirollik klubi” tarixidagi eng ko‘p maosh oladigan o‘yinchiga aylanishi mumkin. Rejalashtirilayotgan yangi bitim 2030-yilgacha mo‘ljallangan bo‘ladi.
Avvalroq OAVda Vinisiusning yillik 20 million yevro maosh olishi va bu ko‘rsatkich har mavsumda oshib borishi mumkinligi haqida xabarlar tarqalgan edi
Braziliyalik futbolchi 2018-yildan beri Madrid klubida to‘p surmoqda. U o‘sha yili “Flamengo”dan 45 million yevro evaziga “Real” safiga kelib qo‘shilgan. Vinisiusning amaldagi shartnomasi 2027-yil 30-iyungacha amal qiladi.
Izoh (0)