Madridning “Real” klubi braziliyalik futbolchi Vinisius Junior bilan yangi shartnoma imzolash arafasida turibdi. Bu haqda insayder Nikolo Skira o‘zining ijtimoiy tarmoqlardagi sahifasida xabar berdi.
Manbaga ko‘ra, 24 yoshli futbolchining yangi shartnomasi 2030-yilga qadar mo‘ljallangan bo‘ladi. Avvalroq Vinisiusning yillik 20 million yevro maosh olishi va bu ko‘rsatkich har mavsumda oshib borishi mumkinligi haqida xabarlar tarqalgan edi.
Vinisius 2018-yilning iyul oyida “Flamengo” klubidan 45 million yevro evaziga Madrid jamoasiga kelib qo‘shilgan. Uning amaldagi shartnomasi 2027-yil 30-iyungacha amal qiladi.
Shuningdek, yaqinda Vinisius ijtimoiy tarmoqlarda “Real” libosidagi bir nechta suratlarini o‘chirib tashlagani, uni klubdan ketmoqchi degan taxminlarga sabab bo‘ldi. Biroq bu holat futbolchining muxlislar tomonidan tanqidga uchragani bilan bog‘liq ekani aytilmoqda.
Izoh (0)