Qirg‘iziston milliy xavfsizlik qo‘mitasi raisi Qamchibek Tashiyev mamlakatda uyushgan jinoiy guruh qolmaganini aytdi. Bu haqda 24.kg xabar berdi.
Tashiyevning so‘zlariga ko‘ra, davlatning muhim vazifalaridan biri uyushgan jinoyatchilikka qarshi kurashish hisoblanadi.
Biz mamlakatdagi uyushgan jinoiy guruhlarni tag-tomiri bilan yo‘q qildik. Hozir hech kim ochiqchasiga o‘zini jinoyatchi, ‘tayinlangan odam’, ‘nazoratchi’ yoki ’qora’ deb e’lon qila olmaydi. Ilgari, bilganingizdek, uyushgan jinoiy guruhlar a’zolari barcha hokimiyat tuzilmalarini faol ravishda qamrab olgan edi.
Hatto Amerika ham dunyodagi 12 ta eng xavfli jinoyatchidan biri deb tan olgan va boshi uchun 5 million dollar mukofot e’lon qilgan qonundagi o‘g‘rilardan biri — Qamchi Kolbayev Qirg‘izistonda yashagan. Ish shu darajaga borib yetgan ediki, uyushgan jinoiy guruhlar a’zolari parlamentda va hokimiyatning boshqa tuzilmalarida kimlar o‘tirishi kerakligini hal qilardi. Ammo biz bularning barchasidan xalos bo‘ldik, dedi Tashiyev.
Qamchi Kolbayevning qo‘lga olinishi
2022-yilda MXDQ xodimlari tomonidan mashhur kriminal avtoritet Qamchi Kolbayev va uning yaqinlari bo‘lgan o‘n kishini qo‘lga olingandi. Ular Qirg‘iziston—Xitoy chegarasi yaqinida (Jeti-O‘g‘uz tumani) joylashgan “Bulat-M” ov o‘rmonzoridan qaytib kelayotganida “Qorasoy” chegara punktida ushlangan.
Izoh (0)