Қирғизистон миллий хавфсизлик қўмитаси раиси Қамчибек Ташиев мамлакатда уюшган жиноий гуруҳ қолмаганини айтди. Бу ҳақда 24.kg хабар берди.
Ташиевнинг сўзларига кўра, давлатнинг муҳим вазифаларидан бири уюшган жиноятчиликка қарши курашиш ҳисобланади.
Биз мамлакатдаги уюшган жиноий гуруҳларни таг-томири билан йўқ қилдик. Ҳозир ҳеч ким очиқчасига ўзини жиноятчи, ‘тайинланган одам’, ъназоратчиъ ёки ‘қора’ деб эълон қила олмайди. Илгари, билганингиздек, уюшган жиноий гуруҳлар аъзолари барча ҳокимият тузилмаларини фаол равишда қамраб олган эди.
Ҳатто Америка ҳам дунёдаги 12 та энг хавфли жиноятчидан бири деб тан олган ва боши учун 5 миллион доллар мукофот эълон қилган қонундаги ўғрилардан бири — Қамчи Колбаев Қирғизистонда яшаган. Иш шу даражага бориб етган эдики, уюшган жиноий гуруҳлар аъзолари парламентда ва ҳокимиятнинг бошқа тузилмаларида кимлар ўтириши кераклигини ҳал қиларди. Аммо биз буларнинг барчасидан халос бўлдик, деди Ташиев.
Қамчи Колбаевнинг қўлга олиниши
2022 йилда МХДҚ ходимлари томонидан машҳур криминал авторитет Қамчи Колбаев ва унинг яқинлари бўлган ўн кишини қўлга олинганди. Улар Қирғизистон—Хитой чегараси яқинида (Жети-Ўғуз тумани) жойлашган “Булат-М” ов ўрмонзоридан қайтиб келаётганида “Қорасой” чегара пунктида ушланган.
Изоҳ (0)