Eron bilan mojaro boshlanganidan keyin Isroilda qolgan xorijliklar mamlakatni samolyotda tark etishi mumkin bo‘ladi. Bu haqda transport vaziri Miri Regevga tayanib The Times of Israel xabar berdi.
Isroil 23-iyun kuni mamlakatni tark etishni istaganlar uchun reyslar tashkil qilishni boshlagan. Birinchi kuni mingdan ortiq xorijlik mamlakatdan chiqarib yuboriladi. Biroq parvoz uchun cheklovlar ham o‘rnatilgan. Jumladan, bitta bort 50 nafargacha yo‘lovchini tashishi mumkin. Reyslar Tel Avivdagi Ben Gurion xalqaro aeroportidan amalga oshiriladi.
Dushanba kuni mahalliy aviakompaniyalar xalqaro manzillardan 24 ta repatriatsiya reysini amalga oshirishini va har bir reysda 50 yo‘lovchigacha cheklov o‘rnatilishini kutmoqdamiz, deydi Isroil transport vaziri.
Miri Regevning ta’kidlashicha, aeroport nishonga aylanishi mumkin bo‘lgan davrda uchish-qo‘nish yo‘lagidagi samolyotlarda yo‘lovchilar sonini cheklash kerak.
Eron bilan mojaro davom etayotgani sababli 13-iyundan buyon Isroil havo hududi yopiq edi. Yahudiy davlatida 40 mingdan ortiq sayyoh qolib ketgandi, ular cheklovlar tufayli ucha olmagandi. Isroilning El Al, Israir va Arkia aviakompaniyalari samolyotlari Eron tomonidan takroriy tungi raketa hujumlari tufayli asosan kunduzi parvozlarni amalga oshiradi.
Izoh (0)