JCH–2026 3-saralash bosqichi doirasidagi O‘zbekiston – Qatar o‘yinidan so‘ng O‘zbekiston MTJ Temur Kapadze matbuot anjumanida ishtirok etdi. Unga Azizbek Turg‘unboyev hamrohlik qildi.
Kapadze so‘zining avvalida barchani g‘alaba bilan tabrikladi.
Bayram bayramdek bo‘ldi. O‘yinimiz ham, natija ham yaxshi ko‘rinish oldi. Xalqimizni Jahon chempionatiga chiqqanimiz bilan yana bir bor muborakbod etaman, deydi Kapadze.
Azizbek Turg‘unboyev esa jamoaga ishonch bildirgan, qo‘llab-quvvatlagan va g‘alabaga sherik bo‘lganlarga rahmat aytdi.
Temur Kapadze Jahon Chempionatiga tayyorgarlik boshlanishi aytdi. Murabbiy bugun yigitlar raqibga imkoniyat berishmagani, o‘yinni nazorat qilganini alohida qayd etib o‘tdi.
Albatta, tarkibdagi futbolchilarimiz sog‘ va salomat bo‘lib tursa, holati yaxshi bo‘lsa, rotatsiyalar qilamiz, turli taktikalardan foydalanamiz, deydi Temur Kapadze.
Izoh (0)