“Barselona” futbolchisi Lamin Yamal “Oltin to‘p” haqida gapirdi. Bu haqda Championat nashri xabar bermoqda.
— Men “Oltin to‘p”ni yutish haqida o‘ylaganim yo‘q. Men faqat o‘z o‘yinimdan zavq olishni va uni yanada yaxshilashni xohlayman. Agar bu mukofot menga nasib etgan bo‘lsa, albatta, bu sodir bo‘ladi, — deya Yamalning so‘zlarini keltiradi COPE nashri.
— Aytishlaricha, 5-iyun, payshanba kuni siz UEFA Millatlar Ligasi doirasidagi Ispaniya va Fransiya terma jamoalari o‘rtasidagi o‘yinda Dembele bilan “Oltin to‘p” uchun kurashasiz. Siz mukofotni kimga berar edingiz: ushbu o‘yinda g‘alaba qozonganga yoki yilning eng yaxshi futbolchisiga?
— Agar “Oltin to‘p” taqdiri payshanba kungi o‘yinda hal bo‘lsa, shunga qarab harakat qilaman. Lekin men mukofotni yilning eng yaxshi futbolchisiga berar edim. Kimga? Ismni sir qoldiraman, — deya qo‘shimcha qildi Yamal.
Ma’lumot uchun, Yamal 2024/25-yilgi mavsumda barcha musobaqalar doirasidagi 55 ta o‘yinda maydonga tushib, o‘z hisobiga 18 ta gol va 25 ta golli uzatma yozdirib qo‘ygan. U “PSJ” futbolchisi Usmon Dembele bilan “Oltin to‘p” uchun asosiy da’vogar bo‘lib turibdi.
Izoh (0)