“Barselona” sport direktori Deku kataloniyaliklar a’zosi Lamin Yamalning kelajagi hamda uning “Oltin to‘p” olish ehtimoli haqida fikr bildirdi. Bu haqda Mundo Deportivo nashri xabar berdi.
Uning fikricha, “Barselona”da bu sovrinni yutishi mumkin bo‘lgan futbolchilar ko‘p, lekin Yamal ko‘proq munosib:
Men Yamalning “Oltin to‘p”ni qo‘lga kiritishini istayman. Bizning jamoada bu mukofotga loyiq bir nechta futbolchi bor. Menimcha, Lamin ularning ichida eng munosibrog‘i. Rafinya ham joriy mavsumda ajoyib o‘yin ko‘rsatdi. Qolganini vaqt ko‘rsatadi, dedi Deku.
17 yoshli Yamal joriy mavsumda “Barselona” bilan La Liga doirasidagi 34 ta uchrashuvda maydonga tushib, o‘z hisobiga 9 ta gol va 13 ta golli uzatma yozdirib qo‘ygan. Uning klub bilan shartnomasi 2026-yil yakuniga yetadi, biroq tomonlar yangi bitim borasida kelishuvga erishgani aytilmoqda. Transfermarkt portali uning qiymatini 180 million yevroga baholamoqda.
Izoh (0)