Coca-Cola jamg‘armasi (TCCF) Global atrof-muhit va texnologiyalar jamg‘armasi (GETF) bilan hamkorlikda “Aylanma iqtisodiyot kelajagi uchun sheriklik” (PACT) deb nomlangan yangi platformani ishga tushirdi.
Barqaror kelajak sari muhim qadam bo‘luvchi ushbu dasturning maqsadi mahalliy tashabbuslar va tashkilotlar yordamida plastik chiqindilarni boshqarish bilan bog‘liq dolzarb ekologik muammolarni hal etishdan iborat. Dasturning rasmiy ochilish marosimi Istanbulda bo‘lib o‘tdi. Unda loyiha hamkorlari, olimlar, nodavlat tashkilotlar vakillari, chiqindilarni boshqarish kompaniyalari va ommaviy axborot vositalari vakillari ishtirok etdi.
-h0soNFUZ.avif)
AQSH dollari hisobida 1 million dollarga teng boshlang‘ich jamg‘arma, Yevropa Ittifoqi chiqindilarni kamaytirish bo‘yicha innovatsion modellar va texnologiyalarga sarmoya kiritmoqda.
Tashabbuslar nafaqat aylanma iqtisodiyotda innovatsiyalarni rag‘batlantiruvchi plastmassani qayta ishlash korxonalarini kengaytirishga, balki chiqindilarni yig‘ish va qayta ishlash sanoatidagi ishlab chiqarish-sotish zanjirining bir qismi bo‘lgan shaxslarning huquqlarini qo‘llab-quvvatlashga qaratilgan. Mahalliy nodavlat notijorat tashkilotlari, ijtimoiy korxonalar va startaplarga 100 ming dollardan 400 ming dollargacha miqdorda grantlar ajratildi. Loyiha haqida batafsil ma’lumotni quyidagi manzilda topishingiz mumkin: www.getf.org/pact
2025-yilda O‘zbekiston Turkiya, Saudiya Arabistoni, Ozarbayjon va Qozog‘iston bilan bir qatorda keng ko‘lamli tashabbusning birinchi bosqichi boshlangan beshta mamlakatdan biriga aylandi.
“Chiqindilarni yig‘ish va qayta ishlash tashabbuslarini qo‘llab-quvvatlash Coca-Cola kompaniyasining asosiy ustuvor yo‘nalishlaridan biridir. Biz bu yo‘nalishda hamkorlik aloqalarini o‘rnatmoqdamiz va amaliy yechimlarni joriy etmoqdamiz. PACT shunchaki dastur emas, balki global tajriba va mahalliy yechimlarni uyg‘unlashtirish imkonini beruvchi uzoq muddatli o‘zgarishlar platformasidir. Biz O‘zbekiston ushbu muhim tashabbusning bir qismi bo‘lganidan faxrlanamiz va birgalikdagi sa’y-harakatlarimiz bilan barqaror atrof-muhitni yaratishga salmoqli hissa qo‘sha olishimizga ishonamiz”, dedi O‘zbekiston, Tojikiston va Turkmanistonda Coca-Cola kompaniyasining hukumat bilan aloqalar, kommunikatsiyalar va barqaror rivojlanish bo‘yicha direktori Nazi Aripdjanova.
O‘zbekistonda PACT tashkilotining hamkori 2021-yilda Coca-Cola jamg‘armasi moliyaviy ko‘magida faoliyatini boshlagan Wasteless startapi bo‘ldi. Startapning asosiy maqsadi PET butilkalarini to‘plash va qayta ishlashga yo‘naltirish hisoblanadi. Wasteless mobil ilovasi startapning muhim vositasiga aylandi. Bu ilova restoranlar va boshqa bozor ishtirokchilariga saralangan chiqindilarni bevosita qayta ishlovchilarga sotish imkonini beradi. Bu orqali saqlash va tashish xarajatlari kamayadi, chiqindilarni alohida yig‘ish rag‘batlantiriladi, shuningdek, utilizatsiya jarayonining shaffofligi oshadi. Mazkur yondashuv tufayli atrof-muhitning ifloslanish darajasi pasayadi, shaharlar tozaroq, ekologik jihatdan sog‘lom va yurt aholisi uchun qulayroq bo‘ladi, shu bilan birga aylanma iqtisodiyot tamoyili qo‘llab-quvvatlanadi.
Reklama huquqi asosida.
Izoh (0)