“Barselona” klubi Lamin Yamal bilan uzoq muddatli shartnoma borasida kelishuvga erishdi. Bu haqda Todofichajes nashri xabar berdi.
Manbada yozilishicha, klub futbolchi bilan 2030-yilning iyuniga qadar amal qiladigan yangi shartnoma tuzadi. Lamin yozda 18 yoshga to‘lgach, bitim rasman imzolanadi. Kelishuvda Yamal yuqori maosh olishi hamda uning tovon puli oshirilishi aytilmoqda. Ammo hozircha bu haqida ma’lumotlar ochiqlanmadi.
Futbolchining o‘zi ushbu holatga quyidagicha izoh berdi:
Men “Barselona” bilan qachon yangi shartnoma imzolashimni bilmayman, lekin ishonamanki, bu yaqin vaqt ichida sodir bo‘ladi. “Barselona” — mening hayotim. Men Kataloniyada baxtliman. Umid qilamanki, yangi bitim men uchun ham, klub uchun ham foydali bo‘ladi, deydi Yamal.
La Masiya akademiyasining tarbiyalanuvchisi bo‘lgan Lamin o‘tgan mavsum klub safida o‘z debyutini amalga oshirdi. U hozirgacha kataloniyaliklar safida 101 ta rasmiy o‘yinda ishtirok etib, o‘z hisobiga 22 ta gol va 33 ta golli uzatma yozdirib qo‘ygan. Uning klub bilan shartnomasi 2026-yilning yoziga qadar amal qiladi. Transfermarkt portali futbolchining qiymatini 180 million yevroga baholagan.
Izoh (0)