Rossiyaning Bryansk viloyatida ostidan yo‘lovchi poyezd o‘tayotgan ko‘prik qulab tushdi, deb xabar bermoqda “RIA Novosti”.
“Moskva temir yo‘llari” maʼlumotlariga ko‘ra, voqea 31-may kuni soat 22:44 da sodir bo‘lgan. Bu vaqtda ko‘prik ostidan Klimov—Moskva yo‘nalishidagi yo‘lovchi poyezdi o‘tayotgan bo‘lgan. Qayd etilishicha, ko‘prik qulab tushishiga “transport faoliyatiga noqonuniy aralashish” sabab bo‘lgan.
So‘nggi ma’lumotlarga ko‘ra, hodisa oqibatida 7 kishi halok bo‘ldi. 70 ga yaqin kishi jarohatlandi, shundan uch nafari bolalar.
Bundan tashqari, 1-iyun kuni Kursk viloyatida yuk lokomotivi harakatlanayotganda ko‘prik qulab tushgan. Oqibatda teplovozda yong‘in chiqqan.
-v4hmzpwX.avif)
Moskva transport prokuraturasi voqea joyidan olingan suratlarni e’lon qildi. Ayni paytda hodisa sabablari o‘rganilmoqda.
Izoh (0)