“Daryo”ga kelib tushgan maʼlumotlar ko‘ra, 17-noyabr kuni Jizzax viloyatining Sharof Rashidov tumanida yuk mashinasi poyezd harakatlanuvchi ko‘prikning bir qismini o‘pirib ketgan.
Holat yuzasidan Transport va turizm obyektlarida xavfsizlikni taʼminlash departamenti axborot xizmati “Daryo”ga izoh berdi.
“Fuqaro Howo rusumli yuk avtomashinasida Zarbdor—Jizzax temiryo‘l bekatlari oralig‘ida joylashgan yo‘l (temiryo‘l) o‘tkazgich ostidan o‘tgan vaqtda ko‘prik ustuniga urilib ketgan”, — deyiladi departament axborotida.
Qo‘shimcha qilinishicha, holat yuzasidan Sharof Rashidov tumani IIB tomonidan tergov harakatlari olib borilmoqda.
Izoh (0)