Shavkat Mirziyoyev sun’iy intellektdan foydalanish etikasi bo‘yicha model qonun ishlab chiqishni taklif qildi.
Prezident 7-aprel kuni Toshkentda o‘tayotgan Parlamentlararo ittifoqning 150-yubiley assambleyasi yalpi majlisida so‘zda chiqqanida ushbu innovatsion huquqiy asos dunyo miqyosida tez rivojlanayotgan ushbu sohani samarali tartibga solishda barcha davlatlar uchun o‘ziga xos namuna bo‘lishini ta’kidladi.
O‘zbekiston prezidenti 2021-yilda “Sun’iy intellekt texnologiyalarini jadal joriy etish uchun shart-sharoitlar yaratish chora-tadbirlari to‘g‘risida”gi qarorni imzolagandi. Hujjat sun’iy intellekt sohasida mahallik ekotizimni va ishlab chiquvchilar uchun zarur shart-sharoitlarni yaratish, sohani huquqiy tartibga solish va boshqa masalalarni nazarda tutadi.
2024-yilning avgustida davlat rahbari masʼullarga sunʼiy intellekt texnologiyalari markazini tashkil qilish bo‘yicha topshiriq berdi. Prezident sun’iy intellektni joriy etish strategiyasi va ikki yillik loyihalar dasturini ishlab chiqish vazifasini qo‘ydi. O‘sha yilning oktyabrida “Sun’iy intellekt texnologiyalarini 2030-yilga qadar rivojlantirish strategiyasini tasdiqlash to‘g‘risida”gi prezident qarori qabul qilindi.
Izoh (0)