O‘zbekiston Markaziy Osiyo davlatlari ichida mas’uliyatli sun’iy intellekt (SI) bo‘yicha yetakchi o‘rinni egalladi. Tegishli reyting The Global Center on AI Governance tomonidan e’lon qilindi.
Tadqiqotda ishtirok etgan 138 ta davlat orasida O‘zbekiston 11,27 ball bilan jahonda 70-o‘rinni egallagan. Prezidentning sun’iy intellektni rivojlantirishga qaratilgan uchta farmoni bilan mamlakatning muvaffaqiyati mustahkamlangani ma’lum qilingan. Ushbu farmonlar madaniy va lingvistik xilma-xillik, xalqaro hamkorlik, davlat sektori ko‘nikmalarini rivojlantirish, raqobat organlari va shaffoflik kabi asosiy yo‘nalishlarni qamrab olgan. Qo‘shni respublikalarning reytingdagi ko‘rsatkichlari quyidagicha:
GIRAI mas’uliyatli sun’iy intellektni (SI) uchta asosiy o‘lchov bo‘yicha 19 ta tematik yo‘nalishda baholaydi: inson huquqlari va SI (ko‘k), mas’uliyatli SI boshqaruvi (qizil) hamda mas’uliyatli sun’iy intellekt imkoniyatlari (sariq rangda).
16 ta mintaqaviy markazlar, shu jumladan, Sharqiy Yevropa va Markaziy Osiyo uchun axborot erkinligini rivojlantirish instituti (IDFI) bilan hamkorlikni o‘z ichiga olgan tadqiqotda har bir mamlakat hukumat tuzilmalari, harakatlari va nodavlat tashabbuslari asosida baholanadi.
Qozog‘iston reytingda 74-o‘rinni egallagan, u mintaqada O‘zbekistondan keyingi o‘rinda turadi. Mamlakat SI bilan bog‘liq hukumat tashabbuslarida yetakchilik qilmoqda, jumladan, 2022-yil iyul oyida ishga tushirilgan gig iqtisodiyoti ishchilarini ijtimoiy himoya qilish bo‘yicha e’tiborga molik loyiha.
Qirg‘iziston 7,4 ball bilan mintaqada uchinchi o‘rinni egallab, mas’uliyatli SI’da nodavlat sektorning sezilarli ishtirokini namoyish etdi. Biroq, keng qamrovli hukumat tizimining yo‘qligi uning umumiy natijasiga ta’sir qildi.
Tojikiston 2040-yilgacha rivojlanishni maqsad qilgan SI milliy strategiyasiga ega yagona Markaziy Osiyo davlatidir. Mas’uliyatli sun’iy intellektni boshqarish sohasida yaxshi natijalarga erishgan bo‘lsa-da, uning nodavlat sektori faoliyati cheklangan.
Mintaqa davlatlari orasida eng past ko‘rsatkichni – 1,98 ball bilan Turkmaniston qayd etgan, global reytingda esa 111-o‘rinda. Mamlakatda mas’uliyatli SI uchun muhim hukumat tuzilmalari yo‘q va nodavlat sektorning minimal ishtiroki mavjud, bu esa mas’uliyatli SI imkoniyatlari bo‘yicha nol ballga olib keladi.
Izoh (0)