Microsoft asoschisi, amerikalik tadbirkor va jamoat arbobi Bill Geyts uchta sohadan tashqari boshqa ko‘plab kasblarning yo‘qolishini bashorat qildi, deb xabar bermoqda “Zakon.kz”.
Milliarder sun’iy intellekt kelajakda mehnat bozorini tubdan o‘zgartirishiga qat’iy ishonadi. Uning fikriga ko‘ra, SI odamni sanoatdan tortib qishloq xo‘jaligigacha bo‘lgan ko‘plab sohalardan siqib chiqaradi. Bu haqda u Tom’s Guide nashriga bergan intervyusida so‘z ochgan.
Neyrotarmoqlar hozirda insonning maxsus ko‘nikmalarini talab qiladigan vazifalarni bemalol bajarib kelmoqda, dedi Geyts
Shunga qaramay, uning so‘zlariga ko‘ra, hali ham inson ishtirokini talab qiladigan uchta soha mavjud.
- Energetika: Yangi energiya manbalarini ishlab chiqish va joriy etish ijodiy fikrlashni, tanqidiy tahlilni va innovatsion yondashuvni talab qiladi, bu esa ushbu sohani avtomatlashtirishga kamroq moyil qiladi.
- Biotibbiyot: Sog‘liqni saqlash va hayotga oid sohalarini SI bilan to‘liq avtomatlashtirish qiyindir, bu jabhalar turli shaxslar ishtiroki, bemorlarga empatiya va murakkab muloqot qobiliyatlarini talab qiladi.
- Dasturlash: Sun’iy intellektni yaratish va takomillashtirish bilan shug‘ullanadigan mutaxassislarga talab kamaymaydi, chunki ularning ishi nafaqat texnologiyani, balki axloqiy jihatlarni ham chuqur tushunishni, shuningdek, ijodiy yondashuvni talab qiladi. Dasturchilar SI faoliyatini nazorat qiladi va chegaradan chiqib ketish va boshqa xavflarning oldini oladi.
Sun’iy intellekt ish o‘rinlarini yo‘q qiladimi?
Geytsning aytishicha, texnologik taraqqiyot ko‘plab kasblar uchun ish o‘rinlarini qisqartiradi. Masalan, sanoat va qishloq xo‘jaligi kabi sohalarda sun’iy intellekt inson mehnatini qisman almashtira boshladi. Sun’iy intellektning yanada kengroq joriy etilishi tufayli kelajakda kadrlar ish haftasi atigi ikki-uch kundan iborat bo‘lishi mumkin:
SI bizning ish vaqtimizni qisqartiradi, bu esa bizga yanada muhim va ijodiy vazifalarga e’tibor qaratishimizga imkon beradi, deya tushuntirdi Geyts.
Izoh (0)