Prezident Shavkat Mirziyoyev va Qozog‘iston prezidenti Qosim-Jo‘mart To‘qayev birgalikda AlmatyFair.ai raqamli texnologiyalar va sunʼiy intellekt ko‘rgazmasiga tashrif buyurdi. Bu haqda Prezident matbuot xizmati xabar berdi.
Davlat rahbarlariga mazkur sohalardagi ilg‘or yechimlar va innovatsion ishlanmalar haqida axborot berildi.
Qozog‘iston prezidenti tashabbusi bilan tashkil etilayotgan Alem.ai sunʼiy intellekt markazining taqdimoti bo‘lib o‘tdi.
Alem.ai — sunʼiy intellekt sohasida mutaxassislarni o‘qitish, startaplarni ishga tushirish va ilmiy tadqiqotlarni amalga oshirish uchun platforma.
Yetakchilar Markaziy Osiyodagi eng yirik texnoparklar birlashmasi — Central Asian Innovation Hubs (Astana Hub va IT Park Uzbekistan) faoliyati bilan ham tanishdi.
Prezidentlar raqamlashtirish sohasidagi o‘zaro manfaatli hamkorlikni kengaytirish, qo‘shma IT mahsulotlarini yaratish, sunʼiy intellekt va ilg‘or axborot texnologiyalari sohasidagi milliy strategiyalarni o‘zaro bog‘lash muhimligini taʼkidladi.
Izoh (0)