LUKOIL kompaniyasi O’zbekiston Prezidenti tashabbusi bilan amalga oshirilayotgan “Yashil makon” hududlarni obodonlashtirish bo‘yicha umummilliy loyihani qo‘llab-quvvatlashga o‘z hissasini qo‘shmoqda. Poytaxtdagi “Ashxobod” istirohat bog‘i va Chilonzor tumanida “LUKOIL” kompaniyasi xodimlari ishtirokida ko‘chat ekish bo‘yicha eko-aksiya o‘tkazildi.
“LUKOIL Uzbekistan Operating Company” MChJ O‘zbekistonda gaz qazib olish va qayta ishlash sohasidagi yetakchi korxonalardan biri hisoblanadi, ammo kompaniya faoliyati faqat ishlab chiqarish bilan bog'liq vazifalar bilan cheklanmaydi – kompaniya ekologik tashabbuslarni qo‘llab-quvvatlashda ham faol ishtirok etadi. 2015-yildan buyon LUKOIL-O‘zbekiston har yili “Sayyoramizga daraxt ekish orqali hayot baxsh eting!” shiori ostida “Yashil Makon” eko-aksiyasini o‘tkazib keladi. O‘tgan o‘n yil ichida Toshkent, Buxoro va Qarshida minglab bargli daraxtlar va archalar paydo bo‘ldi, Botanika bog‘i hududlari, poytaxtimiz va viloyatlardagi bog‘ va xiyobonlar obodonlashtirildi. Barcha joylarda mahalliy iqlim sharoitiga va uchastkalardagi tuproqqa mos keladigan o'simliklar tanlangan.
Bu safar “LUKOIL” kompaniyasining Toshkentni ko‘kalamzorlashtirish bo‘yicha eko-aksiyasi shahar aholisi va poytaxt mehmonlariga manzur bo‘lgan Yashnobod tumanidagi Ashxobod bog‘ida bo‘lib o‘tdi. Daraxtlarning to‘laqonli o‘sishini ta’minlash uchun bog‘da zamonaviy sug‘orish tizimi yo‘lga qo‘yilgan. Eko-aksiya an’anaviy tarzda “LUKOIL” kompaniyasi xodimlari va ularning oila a’zolari ishtirokida bayramona jamoa qurish formatida o‘tkaziladi.
Kun davomida “LUKOIL” xodimlari bog‘ hududida chinor va palovniyalardan iborat butun xiyobonlarni o‘tqazdilar, turli rang va tusdagi ko‘zni quvontiruvchi manzarali o‘simliklardan gulzorlar yaratdilar, skameyka va urnalar o‘rnatdilar. Ayniqsa, bolalikdan tabiatga ehtiyotkorona munosabatda bo‘lishga o‘rgatilgan bolalarning faol ishtiroki quvontiradi. Milliy musiqa va raqslar bayram muhiti va ko‘tarinki kayfiyatga yanada katta hissa qo'shdi. Tasodifiy o'tayotganlar ham daraxt ekishga ishtiyoq bilan qo'shilishdi. Barcha ishtirokchilarga o‘zbek hasharlari an’anasi bo‘yicha mazali palov tortildi.
Shu kuni Chilonzor tumanidagi gavjum ko‘chalarga, Chilonzor hokimiyat bilan hamkorlikda o‘nlab chinor va hind nilufar ko‘chatlari ekildi. Har bir ekilgan daraxt musaffo havo manbai, atrof-muhitni yaxshilash va tabiatga muhabbat ifodasidir!
Reklama huquqi asosida.
Izoh (0)