ЛУКОИЛ компанияси Оъзбекистон Президенти ташаббуси билан амалга оширилаётган “Яшил макон” ҳудудларни ободонлаштириш бўйича умуммиллий лойиҳани қўллаб-қувватлашга ўз ҳиссасини қўшмоқда. Пойтахтдаги “Ашхобод” истироҳат боғи ва Чилонзор туманида “ЛУКОIЛ” компанияси ходимлари иштирокида кўчат экиш бўйича эко-акция ўтказилди.
“ЛУКОИЛ Uzbekistan Оператинг Company” МЧЖ Ўзбекистонда газ қазиб олиш ва қайта ишлаш соҳасидаги етакчи корхоналардан бири ҳисобланади, аммо компания фаолияти фақат ишлаб чиқариш билан боғлиқ вазифалар билан чекланмайди – компания экологик ташаббусларни қўллаб-қувватлашда ҳам фаол иштирок этади. 2015 йилдан буён ЛУКОИЛ-Ўзбекистон ҳар йили “Сайёрамизга дарахт экиш орқали ҳаёт бахш этинг!” шиори остида “Яшил Макон” эко-акциясини ўтказиб келади. Ўтган ўн йил ичида Тошкент, Бухоро ва Қаршида минглаб баргли дарахтлар ва арчалар пайдо бўлди, Ботаника боғи ҳудудлари, пойтахтимиз ва вилоятлардаги боғ ва хиёбонлар ободонлаштирилди. Барча жойларда маҳаллий иқлим шароитига ва участкалардаги тупроққа мос келадиган ўсимликлар танланган.
Бу сафар “ЛУКОИЛ” компаниясининг Тошкентни кўкаламзорлаштириш бўйича эко-акцияси шаҳар аҳолиси ва пойтахт меҳмонларига манзур бўлган Яшнобод туманидаги Ашхобод боғида бўлиб ўтди. Дарахтларнинг тўлақонли ўсишини таъминлаш учун боғда замонавий суғориш тизими йўлга қўйилган. Эко-акция анъанавий тарзда “ЛУКОИЛ” компанияси ходимлари ва уларнинг оила аъзолари иштирокида байрамона жамоа қуриш форматида ўтказилади.
Кун давомида “ЛУКОИЛ” ходимлари боғ ҳудудида чинор ва паловниялардан иборат бутун хиёбонларни ўтқаздилар, турли ранг ва тусдаги кўзни қувонтирувчи манзарали ўсимликлардан гулзорлар яратдилар, скамейка ва урналар ўрнатдилар. Айниқса, болаликдан табиатга эҳтиёткорона муносабатда бўлишга ўргатилган болаларнинг фаол иштироки қувонтиради. Миллий мусиқа ва рақслар байрам муҳити ва кўтаринки кайфиятга янада катта ҳисса қўшди. Тасодифий ўтаётганлар ҳам дарахт экишга иштиёқ билан қўшилишди. Барча иштирокчиларга ўзбек ҳашарлари анъанаси бўйича мазали палов тортилди.
Шу куни Чилонзор туманидаги гавжум кўчаларга, Чилонзор ҳокимият билан ҳамкорликда ўнлаб чинор ва ҳинд нилуфар кўчатлари экилди. Ҳар бир экилган дарахт мусаффо ҳаво манбаи, атроф-муҳитни яхшилаш ва табиатга муҳаббат ифодасидир!
Реклама ҳуқуқи асосида.
Изоҳ (0)