Farg‘onadagi Ekoshahar hududida Yaponiya kompaniyasi tomonidan mehmonxona-rezidensiya, savdo-turizm majmuasi va yapon bog‘idan iborat Mikado City majmuasi quriladi. Bu haqda “Daryo” muxbiri Azizjon Ermatov xabar berdi.
Qayd etilishicha, Farg‘ona viloyati hokimi Xayrullo Bozorov yaponiyalik ishbilarmonlar delegatsiyasini qabul qilgan. Uchrashuvda majmua loyihasi muhokama qilingan.
Loyihaga ko‘ra, yangi majmuadan yapon saroylari me’morchiligi asosida bunyod etiladigan to‘rt qavatli lyuks mehmonxona, 60 blokdan iborat savdo do‘konlari hamda ularning ust qavatida joylashadigan 60 ta apartament, yapon bog‘i, basseyn, spa-saloni, konferensiyalar zali o‘rin oladi.
Uchrashuvda Sansei kompaniyasi prezidenti Akazava Masaki Farg‘onada ikki bosqichda amalga oshirilishi rejalashtirilayotgan chiqindini qayta ishlash korxonasi loyihasini taqdim etgan.
Qiymati 10 million dollar bo‘lgan mazkur loyihaning birinchi bosqichida Ekoshahar hududidagi chiqindilarni ajratish va qayta ishlash bo‘yicha Yaponiya texnologiyasiga asoslangan korxona tashkil etiladi. Ikkinchi bosqichda chiqindilarning qayta ishlash mumkin bo‘lmagan qismini yoqish orqali elektr energiyasi ishlab chiqarishni yo‘lga qo‘yish rejalashtirilgan.
Ma’lumot uchun, Farg‘onada 300 gektar maydonda 40 ming aholiga mo‘ljallangan Ekoshahar bunyod etilmoqda. Yo‘ldosh shaharchadan 40 gektarli “Yangi O‘zbekiston” bog‘i, 7—25 qavatli 313 ta ko‘p qavatli turar joy va ijtimoiy obyektlar o‘rin ola
Izoh (0)