AQSH prezidenti Donald Tramp Oq uyda Emmanuel Makron bilan uchrashuvi paytida uning qo‘lida katta jigarrang dog‘ borligini payqashdi, deb yozmoqda Bild nashri.
-WAEqou3L.jpg)
Dog‘ning suratlari internetda AQSH prezidentining ehtimoliy kasalligi haqidagi turli taxminlarni keltirib chiqardi.
Boshqa farazlar qatorida, bu infuziyalarning oqibati bo‘lishi mumkinligi aytilmoqda — ko‘pincha igna olib tashlangandan so‘ng paydo bo‘ladigan gematoma. Tashxis qo‘yishga qiziquvchi foydalanuvchilar infuziyalarning sabablari sifatida suvsizlanish yoki vitamin yetishmasligidan davolanishni ko‘rsatishmoqda.
Tramp kuzatuvchilari prezidentning o‘ng qo‘ldagi ko‘karishlar ilgari ham kuzatilganini ta’kidlamoqda. X foydalanuvchilaridan biri Tramp hatto bir muddat bog‘ich bog‘lab yurganini aytgan.
Umrining so‘nggi haftasida qirolicha Yelizavetaning qo‘llarida ham shunga o‘xshash ko‘karishlar kuzatilgan, deyilgan izohlardan birida.
BILD nashri bilan bog‘langan Nyu-yorklik shifokorning fikricha, dog‘ antitrombotsitar dorilar bilan davolashning nojo‘ya ta’siri bo‘lishi mumkin. Shifokor aniqroq baho berish uchun ikkala qo‘lni ham tekshirish kerakligini qayd etdi.
Bundan tashqari, Tramp quyoshda qorayish uchun krem surtishni yoqtiradi, bu ham sirli dog‘larni aniqlashni qiyinlashtiradi, deydi mutaxassis.
Agar uning taxmini to‘g‘ri bo‘lsa, unda asosiy xavotirlar asossiz bo‘lishi mumkin:
Bu nojo‘ya ta’sirlar jiddiy xavf tug‘dirmaydi!
Internetdagi qizg‘in munozaralar chog‘ida foydalanuvchilar Trampning sog‘lig‘i bo‘yicha ochiqlik yo‘qligi ilgari ham tanqid qilinganini eslatishdi. Uning birinchi nomzodi ko‘rsatilganda, shaxsiy shifokori doktor Garold Bornshteyn “agar Tramp saylansa, u saylangan prezidentlar orasida eng sog‘lom inson bo‘lishi”ni aytgan edi.
Izoh (0)