Buyuk Britaniya va Yevropa ittifoqi mamlakatlari Donald Tramp prezidentligi davrida AQSHning NATOni qo‘llab-quvvatlashga tayyorligiga shubha tug‘ilgani sababli mudofaani umumyevropa miqyosida moliyalashtirishni muhokama qilmoqda, deya xabar bermoqda The Financial Times.
Muzokaralar shu hafta Keyptaunda o‘tkaziladigan Yigirmalik guruhi (G20) moliya vazirlari uchrashuvida bo‘lib o‘tadi.
Bu fond yoki bank bo‘lishi mumkin. Masalan, biz ko‘rib chiqayotgan “Qayta qurollanish banki” konsepsiyasi mavjud, dedi Polsha moliya vaziri Andjey Domanskiy.
Uning aytishicha, YI va London o‘rtasidagi muzokaralar bir necha oydan buyon davom etmoqda, chunki Buyuk Britaniyasiz “Yevropa mudofaasini tasavvur qilish qiyin”.
Yevropa davlatlarining xavotirlari Trampning mudofaa xarajatlarini yalpi ichki mahsulotning 5 foizigacha oshirishni talab qilgan bayonotlari bilan bog‘liq bo‘lib, u tashqi hujumga uchragan taqdirda alyansni AQSHni harbiy qo‘llab-quvvatlashdan mahrum qilish bilan tahdid qilgan edi. Yana bir omil — Moskva va Vashington o‘rtasidagi diplomatik aloqalar.
“Qayta qurollanish banki” konsepsiyasi Markaziy va Sharqiy Yevropa mamlakatlarini qo‘llab-quvvatlash uchun sotsialistik blok qulaganidan keyin tashkil etilgan Yevropa tiklanish va taraqqiyot banki (YTTB) namunasi bo‘yicha kreditor tashkil etishni nazarda tutadi.
U harbiy texnika va o‘q-dorilar sotib olish, shuningdek, ishlab chiqarish quvvatlarini oshirish uchun mudofaa sanoatiga zarur bo‘lgan investitsiyalarni moliyalashtirish uchun kreditlar ajratadi. Ushbu bank ishtirokchi mamlakatlar tomonidan ajratilgan mablag‘lar hisobidan moliyalashtirilishi rejalashtirilgan.
Bir kun avval Ukraina prezidenti Vladimir Zelenskiy agar Kiyevga NATOga qo‘shilishga ruxsat berilmasa, “Ukrainada NATO tashkil etishdan boshqa yo‘l yo‘qligi”ni qayd etdi.
Bundan tashqari, kafolatlangan tinchlikni anglatuvchi bunday moliyalashtirish, bunday kontingentlar, mudofaa ishlab chiqarishini qanday ta’minlash mumkin, dedi u.
Rossiya rasmiylari Ukrainaning NATO va boshqa mudofaa ittifoqlariga kirishiga mutlaqo qarshi bo‘lib, bu davlatning blokdan tashqari va neytral maqomi zarurligini ta’kidlamoqda.
Izoh (0)