Futbol bo‘yicha Elit Chempionlar Ligasining 8-tur o‘yinlari 17-fevral, dushanba kuni bo‘lib o‘tdi.
Toshkentning “Paxtakor” jamoasi o‘z maydonida “Al-Sadd”ni qabul qildi. Uchrashuv davomida bir qator xavfli vaziyatlar yaratildi.
Uchrashuvning 18-daqiqasida “Paxtakor” aʼzosi Brayan Riaskosni hisobni ochdi. 37-daqiqaga kelib Hasan Al Haydos penaltidan hisobni tenglashtirdi.
O‘yinning 56-daqiqasida esa “Paxtakor” aʼzosi Jonatan Lukkaning jarimadan yo‘llagan zarbasi raqib “jonli devor”iga tegib qaytdi, qaytgan to‘pni Riaskos bosh bilan “Al Sadd” darvozasiga kiritdi.
65-daqiqada mehmonlar vakili Adam Muhammad Unas, 68-daqiqada esa “sherlar” sardori Sardor Sobirxo‘jayev maydondan chetlatildi.
Elit Chempionlar Ligasi
8-tur bahsi
17-fevral, dushanba
“Paxtakor” - “Al-Sadd” 2:1
Gollar: 1:0 – 18, Brayan Riaskos, 1:1 – 37, Hasan Al Haydos, 2:1 – 56, Brayan Riaskos
“Paxtakor”: Jonatan, Hojiakbar Alijonov, Abdulla Abdullayev, Shahzod Azmiddinov, Umar Adhamzoda, Jonatan Lukka, Sardor Sobirxo‘jayev, Doston Hamdamov (Ulug‘bek Hoshimov, 80), Diyor Xolmatov (Abdurauf Bo‘riyev, 80), Flamarion (Otabek Jo‘raqo‘ziyev, 87), Brayan Riaskos (Bashar Resan, 72).
“Al-Sadd”: Ash Shib, Atal (Xidir, 80), Bunosir, Huhi, Al Yazidi (Abdulatif, 80), Unas, Gillerme (Sayyor, 32), Baqir, Al Haydos, Abdurisag (Muxika, 72), Kristo.
Ogohlantirishlar: Sobirxo‘jayev (49), Bunosir (55).
Chetlatishlar: Unas (65), Sobirxo‘jayev (68), Azmiddinov (90+9).
Izoh (0)