Futbol bo‘yicha Elit Chempionlar Ligasining 1-tur o‘yinlari 16-sentyabr, dushanba kuni bo‘lib o‘tdi.
O‘zbekistonlik futbolchi Oston O‘runov to‘p surayotgan “Persepolis” “Al-Ahli” mehmoni bo‘ldi. Uchrashuvning 2-daqiqasidayoq mezbonlar yarim himoyachisi Frank Kessie hisobni ochdi. Qolgan daqiqalarda esa darvozalar ishg‘ol etilmadi va “Al-Ahli” 1:0 hisobidagi g‘alabaga erishdi. Oston o‘yinda 90 daqiqa harakat qildi.
Yana bir o‘zbek futbolchisi Jaloliddin Masharipov o‘ynaydigan “Istiqlol” esa “Al-Garafa”ga qarshi bahs olib bordi. O‘yinning 4-daqiqasida Yusuf avtogol muallifiga aylandi. 79-daqiqada “Istiqlol” futbolchisi Rezayan gol urib, hisobni ishonchli ko‘rinishga olib keldi. 88-daqiqada esa Rezavand yakuniy hisobni o‘rnatdi.
Shu tariqa “Istiqlol” 3:0 hisobida g‘alaba qozondi. Masharipov esa 84-daqiqada Kakutaga o‘z o‘rnini bo‘shatib berdi.
Elit Chempionlar Ligasi
1-tur bahsi
16-sentyabr, dushanba
“Al-Ahli” – “Persepolis” 1:0
Gol: 1:0 – 2 Kessie.
“Al-Ahli”: Mendi, Al-Ammar (Alhurayji, 90+2), Rojer, Demiral, Majrashi, Kessie, Al-Juxani (Aleksander, 76), Al-Buraykan (Al-Nabit, 76), Firmino (Veyga, 46), Marez (Darisi, 76), Touni.
“Persepolis”: Genduz, Muhammadi, Gvelesiani, Kanaanizadegan, El-Amlud (Sadegi, 71), Rafiei (Xodabandelu, 66), Rigi (Lukash Joau, 82), Oston O‘runov, Amiri, Ahmadzade (Alishax, 46), Alipur (Alekasir, 66).
Ogohlantirishlar: El-Amlud (24), Garrido Fernández (44), Amiri (45+1), Al-Ammar (45+6).
“Istiqlol” – “Al-Garafa” 3:0
Gollar: 1:0 – 4 Yusuf (avtogol), 2:0 – 79 Rezayan, 3:0 – 88 Rezavand.
“Istiqlol”: Hosseyni, Zakipur (Jalali, 71), Rezayan, Fallax, Cheshmi, Rafael Silva, Jaloliddin Masharipov (Kakuta, 84), Ndong, Niknafs (Rezavand, 84), Eslami (Muhammadi, 77), Blanko Leshuk.
“Al-Garafa”: Ndiaye, Sano, Nani, Chjan Xen Su, Yusuf (Fadlalla, 46), Sassi, Dias (Hamed Mayor, 58), Madibo, Al-Janxi (Muntari, 74), Koman (Yahyo, 74), Xoselu.
Ogohlantirishlar: Sano (9), Al-Janxi (32), Madibo (52), Cheshmi (53), Ndiaye (59), Eslami (70).
Izoh (0)