Ispaniyalik sayyoh Tailandda fil hujumi oqibatida halok bo‘ldi. Bu haqda EFE agentligi ma’lum qildi.
Unga ko‘ra, hodisa Phang Nga provinsiyasida, fillar saqlanadigan markazda sodir bo‘lgan.
Ispaniyalik sayyoh ayol filni tomosha qilib turganda, to‘satdan u ayolga tashlanib, tishi bilan jarohatlagan. Sayyoh olgan jarohati tufayli vafot etgan.
Hodisa fil cho‘milayotgan vaqtda sodir bo‘lgan. Vafot etgan ayolning yoshi nechada ekani aytilmagan.
2017-yilda Tailanddagi Chang orolida joylashgan “Fillar qishlog‘i”da fil ustida sayr qilayotgan nemis sayyohini bosib o‘ldirib qo‘ygandi.
“Fil ustidagi sayr tugagach, hamma fillar ustidan tusha boshladi. Birinchi fil ustida ketayotgan rossiyaliklar undan eson-omon tushib oldi. Shunda fil qo‘qqisdan darg‘azab bo‘lib, uni suratga olayotgan nemis sayyohiga tashlandi va uni hammaning ko‘z o‘ngida bosib o‘ldirdi”, degan voqea guvohlari.
Izoh (0)