Qashqadaryo viloyatining Dehqonobod tumanida suyultirilgan gaz taʼminotidagi qonunbuzilish holati aniqlandi. Bu haqda “Hududgaztaʼminot” matbuot xizmati xabar berdi.
12-dekabr kuni tuman suyultirilgan gaz xizmati taʼminotchi-chilangari N.B. hamda maxsus avtotransport vositasi haydovchisi A.N. “Tog‘aytemir” MFY isteʼmolchilariga yetkazib berilishi lozim bo‘lgan 100 dona maishiy gaz ballonlarni mazkur mahallada istiqomat qiluvchi fuqaro B.X.ning xonadonida tashkil etilgan “bunker”ga tushirayotgani aniqlangan.
Xonadon ko‘zdan kechirilganda olib kelingan ballonlardan tashqari yana 101 ta bo‘sh maishiy gaz ballonlar borligi maʼlum bo‘ldi.
Holat yuzasidan dalolatnoma tuzilib, barcha hujjatlar huquqni muhofaza qiluvchi organlar va FVBga taqdim etildi.
Noqonuniy tarzda saqlangan maishiy gaz ballonlari
Andijonda jami 212 ta suyultirilgan gaz ballonlarini noqonuniy ravishda saqlagan xonadonlar aniqlangandi.
Izoh (0)