Surxondaryo viloyati, Jarqo‘rg‘on tumanida faoliyat yuritayotgan yakka tartibdagi tadbirkor A.A. o‘ziga tegishli elektr qurilmalarini tarmoqqa o‘zboshimchalik bilan ulab, jami 173,1 mln so‘mlik elektr energiyasidan noqonuniy foydalangani aniqlandi. Bu haqda “O‘zenergoinspeksiya” xabar berdi.
Shuningdek, Angor tumanida faoliyat yuritayotgan “A.K.S.K” MCHJ elektr energiyasi taʼriflari bo‘yicha noto‘g‘ri hisob-kitob qilinishi natijasida, taʼminot korxonasiga jami 497 mln so‘mlik zarar yetkazilgani maʼlum bo‘ldi.
Jarqo‘rg‘on va Oltinsoy tumanlarida esa “Q.Z.K.” va “Z.P.” fermer xo‘jaliklari suv nasoslarini elektr hisoblagichdan tashqari yashirin yo‘llar bilan tarmoqqa ulab, 168,1 mln so‘mlik elektr energiyasidan noqonuniy foydalangani aniqlandi.
Mazkur holatlar yuzasidan tegishli hujjatlar rasmiylashtirilib, huquqni muhofaza qiluvchi organlarga yuborildi.
Izoh (0)