Jizzaxda o‘zboshimchalik bilan tarmoqqa ulangan fermer xo‘jaligi 1,3 mlrd so‘mlik elektr energiyasidan noqonuniy foydalangani aniqlandi. Bu haqda “O‘zenergoinspeksiya” xabar berdi.
Maʼlum qilinishicha, Zomin tumanidagi “S.R.CH” fermer xo‘jaligi quvvati 147 kVt bo‘lgan sug‘orish nasoslarini tarmoqqa o‘zboshimchalik bilan ulab, elektr energiyasidan noqonuniy foydalangani aniqlandi.
Ushbu qoidabuzarliklar natijasida davlat manfaatlariga 1 mlrd 394 mln so‘mlik (622,6 ming kVt/soat elektr energiyasi) zarar yetkazilgani maʼlum bo‘ldi.
Qoidabuzar isteʼmolchilarga nisbatan belgilangan tartibda choralar ko‘rilib, tegishli hujjatlar huquqni muhofaza etuvchi organlarga taqdim qilindi.
Izoh (0)