Toshkentning Yunusobod, Bektemir va Olmazor tumanlarida elektr qurilmalarida taʼmirlash ishlarini olib borish maqsadida, 31-oktyabr kuni elektr taʼminoti vaqtincha o‘chiriladi. Bu haqda “Toshkent shahar elektr tarmoqlari” MCHJ matbuot xizmati xabar berdi.
Elektr taʼminoti o‘chiriladigan hududlar:
- Yunusobod tumani: “Iftixor” hamda “Naqshbandiy” MFYlarining ayrim hududlarida soat 12:00 dan 18:00 gacha;
- Bektemir tumani: “Nurli yo‘l”, “Musaffo” hamda “Sohil” MFYlarining ayrim hududlarida soat 10:00 dan 14:00 gacha;
- Olmazor tumani: “Ahil”, “Moyariq”, “Yangi Toshkent”, “Gulzor”, “Chuqursoy”, “Oltinsoy”, “Islom ota” hamda “Shifokorlar” MFYlarining ayrim hududlarida soat 09:00 dan 15:30 gacha.
Mazkur hududlarda taʼmirlash ishlari belgilangan vaqtdan avvalroq yakunlanishi mumkin.
“ ‘Toshkent shahar elektr tarmoqlariʼ MCHJ mazkur taʼmirlash ishlari tufayli elektr taʼminotidagi vaqtincha uzilishlar sababli yetkazilayotgan noqulayliklar uchun ushbu hududlarda yashovchi isteʼmolchilardan uzr so‘raydi”, deyiladi xabarda.
Izoh (0)