“PSJ” hujumchisi Lionel Messi faoliyatini Angliya chempionatida davom ettirishi mumkin.
Ole nashrining xabar berishicha, argentinalik futbolchiga so‘nggi kunlarda bir nechta ingliz klubidan takliflar kelib tushgan. Lekin ushbu klublar aynan qaysilar ekanligi ochiqlanmagan.
Shuningdek, Leoga Saudiyaning “Al-Hilol” va AQSHning “Inter Mayami” jamoalari ham qiziqish bildirmoqda.
May oyi boshida “PSJ”ning mag‘lubiyatidan keyin Messi rahbariyat va murabbiyning ruxsatisiz Saudiya Arabistoniga ketib qolgan va buning uchun jazolanib, ikki haftaga chetlatilgandi. Parijlik muxlislar klub ofisi yonida namoyish o‘tkazib, Messi, Neymar va Nosir al-Helayfining jamoadan ketishini talab qilgandi. Keyinroq Leo uzr so‘rab, videomurojaat yo‘lladi va “PSJ” jazoni bekor qildi.
Argentinalik futbolchi 2022/23-yilgi mavsumda “PSJ” safida barcha turnirlarda 38 ta o‘yin o‘tkazib, 21 ta gol urdi va 20 ta assistni amalga oshirdi.
Izoh (0)