Associated Press agentligining xabar berishicha, AQSHda “Helen” to‘foni qurbonlari soni 200 nafarga yetdi. Avvalroq 117 qurbon haqida xabar berilgan edi.
Qutqaruvchilar qurbonlar soni ortishi mumkinligini istisno etmayapti, chunki ko‘p odamlar hali ham bedarak yo‘qolganlar ro‘yxatida qolmoqda.
Tabiiy ofat Shimoliy Karolina, Jorjiya, Janubiy Karolina, Florida, Tennessi va Virjiniya shtatlariga zarar yetkazdi.
3-oktyabr, payshanba kuni ertalab AQSHda 1 millionga yaqin odam elektrsiz qolgan. Ularning aksariyati Janubiy va Shimoliy Karolina aholisi.
To‘fon elektr uzatish liniyalari va u bilan bog‘liq infratuzilmani jiddiy shikastladi. Shtat bo‘ylab aksar yo‘llar yopiqligicha qolmoqda, bu esa qutqaruvchilarning jabrlangan hududlarga yetib borishi va yordam ko‘rsatishini qiyinlashtiradi.
AQSHning tabiiy ofatlarga qarshi kurashish milliy markazi ma’lumotlariga ko‘ra, “Helen” hozirda kuchini yo‘qotdi va tropik bo‘ronga aylandi.
Izoh (0)