Rossiya o‘zining yadroviy arsenallarini ko‘paytirishni rejalashtirmayapti. Bu haqda jurnalistlarga prezident matbuot kotibi Dmitriy Peskov ma’lum qildi.
“Yo‘q, bunday rejalar muhokama qilinmadi va bu borada hech qanday bayonot berilmadi”, dedi u.
Avvalroq Rossiya prezidenti Vladimir Putin yadroviy doktrinaga o‘zgartirishlar kiritilishini ma’lum qilgandi.
Unga ko‘ra, Rossiya agressiya paytida yadro qurolidan foydalanish huquqini o‘zida saqlab qoladi. “Shu jumladan, dushman oddiy qurollardan foydalangan holda tahdid yuzaga keltirsa ham, Rossiya yadro quroli bilan javob qaytarishi mumkin bo‘ladi”, dedi Putin.
Hujjatning yangilangan tahririda har qanday yadroviy bo‘lmagan davlatning Rossiyaga qarshi tajovuzi, agar u “yadroviy davlat ishtirokida yoki qo‘llab-quvvatlashi bilan” sodir etilsa, uni Rossiyaga qarshi qo‘shma hujum sifatida baholash taklif etilgan.
Shu bilan birga, Rossiya tashqi ishlar vaziri o‘rinbosari Sergey Ryabkov agar AQSH yadro sinovidan bosh tortsa, Rossiya ham ularni o‘tkazmasligini ta’kidlagandi.
Izoh (0)