Россия ўзининг ядровий арсеналларини кўпайтиришни режалаштирмаяпти. Бу ҳақда журналистларга президент матбуот котиби Дмитрий Песков маълум қилди.
“Йўқ, бундай режалар муҳокама қилинмади ва бу борада ҳеч қандай баёнот берилмади”, деди у.
Аввалроқ Россия президенти Владимир Путин ядровий доктринага ўзгартиришлар киритилишини маълум қилганди.
Унга кўра, Россия агрессия пайтида ядро қуролидан фойдаланиш ҳуқуқини ўзида сақлаб қолади. “Шу жумладан, душман оддий қуроллардан фойдаланган ҳолда таҳдид юзага келтирса ҳам, Россия ядро қуроли билан жавоб қайтариши мумкин бўлади”, деди Путин.
Ҳужжатнинг янгиланган таҳририда ҳар қандай ядровий бўлмаган давлатнинг Россияга қарши тажовузи, агар у “ядровий давлат иштирокида ёки қўллаб-қувватлаши билан” содир этилса, уни Россияга қарши қўшма ҳужум сифатида баҳолаш таклиф этилган.
Шу билан бирга, Россия ташқи ишлар вазири ўринбосари Сергей Рябков агар АҚШ ядро синовидан бош тортса, Россия ҳам уларни ўтказмаслигини таъкидлаганди.
Изоҳ (0)