Rossiyada “rusofob” xorijliklarga nisbatan jazo choralari joriy etiladi

Rossiya hukumati xorijliklar “rusofobiya”si uchun jazo joriy etishni ma’qulladi.

Vazirlar Mahkamasi xorijdagi “Rusofobiya” uchun jinoiy javobgarlikni joriy etish to‘g‘risidagi qonun loyihasiga rasmiy javobning ijobiy loyihasini tayyorladi, deyiladi xabarda.

RF Jinoyat kodeksiga yangi 136.1 “rusofobiya” moddasini kiritish rejalashtirilmoqda. Moddaning birinchi qismi xorijliklar (shu jumladan, mansabdor shaxslar) tomonidan Rossiyadan tashqarida Rossiya fuqarosiga, shuningdek, mamlakatda doimiy yashovchi fuqaroligi bo‘lmagan shaxsga yoki Rossiya fuqarosi bo‘lmagan vatandoshga nisbatan sodir etilgan kamsitish harakatlari uchun, ikkinchi qismi esa bunday harakatlarni sodir etishga ommaviy chaqiriqlar uchun javobgarlikni nazarda tutadi.

Hukumat mazkur moddada nazarda tutilgan muayyan lavozimlarni egallash yoki muayyan faoliyat bilan shug‘ullanish huquqidan mahrum qilish tarzidagi jazoga doir mulohazalarni qo‘llash sharti bilan mazkur qonun loyihasini ma’qulladi. Vazirlar Mahkamasi jinoyat predmetining o‘ziga xos xususiyatlarini inobatga olgan holda mazkur qoidani amalda qo‘llashda qiyinchiliklar yuzaga kelishi mumkinligini ta’kidlagan.

Shuningdek, Jinoyat kodeksining 12-moddasi 3-qismiga, xususan, “Rossiyadan tashqarida jinoyat sodir etgan shaxslarga nisbatan jinoiy qonunning ta’siri”ga ham o‘zgartirishlar kiritish rejalashtirilgan. Bundan buyon u Rossiyada doimiy istiqomat qilmaydigan, Rossiya fuqaroligisiz vatandoshlariga qarshi jinoyat sodir etgan xorijliklar va fuqaroligi bo‘lmagan shaxslarga nisbatan qo‘llaniladi.