Gundo‘g‘an “Barselona”dagi faoliyati haqida: “Qiyin, ammo ajoyib tajriba”

Ilkay Gundo‘g‘an “Barselona”dagi faoliyati haqida gapirdi.

“Bilasizmi, men klubda muvaffaqiyatli vaqt o‘tkazdim, deb o‘ylayman. Dunyoning eng yirik jamoalaridan birida o‘ynadim. Bolalikdagi orzumni ro‘yobga chiqardim— “Barsa”ning libosini kiydim. 

Balki odamlar o‘tgan mavsumga qarab, bizni hech narsa yutmagan deb o‘ylashar. Bu — haqiqat. Ammo qanday o‘yin ko‘rsatganimizga qarasangiz, mavsum yakunida 85 ochkoga ega bo‘ldik, bu avvalgi chempionlik mavsumidan atigi 3 ochkoga kam.

Bizni qiyin raqib – “Real” qarshi oldi. Men “Barselona”da o‘ynash men uchun sharafli. Turli sharoitlarda, ehtimol, hammasi boshqacha bo‘lardi.

Bu qiyin, lekin ayni paytda ajoyib tajriba bo‘ldi. Shuning uchun hech narsadan afsuslanmayman”, deydi “Manchester Siti”ga qaytgan yarim himoyachi.

Ma’lumot uchun, germaniyalik futbolchi Kataloniya klubida bir mavsum o‘ynab, sovrin yutolmadi va yana APLga qaytdi. 36 uchrashuvda maydonga tushgan futbolchi 5 bora raqiblar darvozasini ishg‘ol qildi.