РПЛ. “ЦСКА” “Рубин” билан дуранг ўйнади. Аббосбек Файзуллаевдан ассист

Футбол бўйича Россия Премьер Лигасининг 9-тур учрашуви бўлиб ўтди. Унда Қозон шаҳрининг “Рубин” жамоаси “ЦСКА” клубини қабул қилди.

Учрашувни асосий таркибда бошлаган Аббосбек Файзуллаев 15-дақиқада чап қанотдан жамоадошига ажойиб пас берди. Жарима майдони ичида тўпни қабул қилиб олган Жемалитдинов ҳисобни очди.

Иккинчи бўлимнинг 55-дақиқасида мезбонлар ҳисобни тенглаштирди. Ушбу голга Тесленко муаллифлик қилди. Ушбу ҳисоб ўйин якунигача сақланиб қолди ва жамоалар бир очкодан бўлишиб олди.

“Рубин” сафида ҳаракатланаётган Рустам Ашурматов асосий таркибда майдонга тушди ва 58-дақиқада захирага олинди. Умарали Раҳмоналиев эса ўйинда иштирок этмади. 

РПЛ

9-тур

21 сентябрь, шанба

“Рубин” — “ЦСКА” 1:1

Голлар: 0:1—Жемалетдинов (15), 1:1—Тесленко (55).

“Рубин”: Ставер, Грицаенко, Ашурматов (Нижегородов, 58), Тесленко, Рожков, Кабутов, Иву, Хожа (Иванов, 71), Вада (Зотов, 46), Чуни, Даку.

“ЦСКА”: Акинфеев, Круговой, Мойзес, Виллиан, Дивеев, Ҳелвен (Гуарирапа, 66), Жемалетдинов, Кисляк, Обляков, Файзуллаев, Мусаев (Гайич, 66).

Огоҳлантиришлар: Грицаенко (24), Дивеев (61).