Toshkent shahrida Bojxona brokerlari uyushmasining 15 yilligi munosabati bilan “Bilim va tajriba almashish savdo tartib-taomillarini soddalashtirish vositasi sifatida” mavzusida xalqaro davra suhbati bo‘lib o‘tdi.
Tadbirda O‘zbekiston, Ozarbayjon, Rossiya, Qozog‘iston, Qirg‘iziston va Tojikistondan tashqi iqtisodiy faoliyat qatnashchilari, bojxona brokerlari, davlat sektori vakillari, transport va logistika kompaniyalari mutaxassislari ishtirok etdi.
Davra suhbatida Bojxona qo‘mitasi raisi o‘rinbosari N.Musamuhamedov bojxona sohasini raqamlashtirish orqali bojxona tartibotlarida samaradorlikni oshirish borasida amalga oshirilayotgan chora-tadbirlar haqida batafsil so‘z yuritdi.
Shuningdek, qo‘mitaning tegishli mas’ul boshqarmalari vakillari so‘z olib, bojxona hududida qayta ishlash rejimining afzalliklari, tovarlarning kelib chiqishi sertifikatlarini berish tartibini raqamlashtirish, vakolatli iqtisodiy operatorlar uchun mavjud soddalashtirishlarni kengaytirish, bojxona brokerligi sohasida qonunchilikni takomillashtirish kabi muhim yo‘nalishlar yuzasidan batafsil axborotlarni taqdim qildi.
Davra suhbatida Transkaspiy yo‘lagi orqali tashqi savdo yuklarini tashishda Ozarbayjonning logistika imkoniyatlari hamda MDH davlatlarida TIF TN bo‘yicha tasniflashda yuzaga kelishi mumkin bo‘lgan muammoli holatlar ham alohida ko‘rib chiqildi.
Izoh (0)