Saylovoldi tashviqotda axloqiy meʼyorlar: adolatli raqobat uchun qadam

2024-yil 21-sentyabr kuni siyosiy partiyalar tomonidan Markaziy saylov komissiyasi bilan hamkorlikda ishlab chiqilgan saylovoldi tashviqotiga oid odob-axloq qoidalarini partiyalarning rahbarlari tomonidan imzolash marosimi bo‘lib o‘tdi.

Bunday kelishuvlar, avvalo, saylov jarayonida insofli raqobatni taʼminlash va tashviqot jarayonida o‘zaro hurmat, ijtimoiy axloqqa rioya etishni taʼminlash maqsadida amalga oshirildi.

Rivojlangan davlatlarda odatda bunday bitimlar siyosiy partiyalar yoki nomzodlar o‘rtasida saylov jarayonida insofsiz raqobatni oldini olish, adolatli kurashni taʼminlash, saylovchini aldamaslik va erkin tanloviga sharoit yaratilsh maqsadida tuziladi.

Qoidalar saylovoldi tashviqoti davrida yolg‘on axborot tarqatishning oldini olish, saylovchilarga bosim o‘tkazmaslik va siyosiy partiyalar o‘rtasidagi axloqiy qoidalarga rioya qilishni talab qiladi.

Bu, o‘z navbatida, saylovchilarning erkin tanlovini himoya qilish va ularga to‘g‘ri maʼlumot yetkazish imkonini yaratadi.

Partiyalar tomonidan imzolangan kelishuv O‘zbekistonning saylov madaniyatining rivojiga qo‘shilgan muhim qadam bo‘lib, bu jarayonda sunʼiy intellektdan foydalanishda ham yuqori axloqiy standartlar belgilandi.

Shuningdek, har qanday boshqa manbalar orqali maʼlumotlarning haqqoniyligini taʼminlash talab etiladi.

Ushbu qoidalar O‘zbekistonda saylovlarning qonuniy va oshkora o‘tishini taʼminlab, xalqning saylov jarayoniga bo‘lgan ishonchini oshiradi. 

Partiyalar o‘z faoliyatlarida axloqiy meʼyorlarga rioya qilishlari orqali saylovchilarning hurmatini qozonishga intilmoqdalar.

MSKga ko‘ra, imzo varaqalarini birinchi O‘zLiDeP, so‘ng “Milliy tiklanish” partiyasi topshirgan. Shunday qilib, saylov byulletenida partiyalar ketma-ketligi quyidagicha bo‘ladi:

• O‘zbekiston Liberal demokratik partiyasi
• “Milliy tiklanish” demokratik partiyasi
• O‘zbekiston Ekologik partiyasi
• O‘zbekiston Xalq demokratik partiyasi
• O‘zbekiston “Adolat” sotsial-demokratik partiyasi

Ma’lumot uchun, O‘zbekistonda parlament saylovlari 27-oktyabrda o‘tkaziladi.