“O‘zbekiston bilan kengayib borayotgan strategik sherikligimizning yana bir muhim bosqichini nishonlashdan mamnunmiz” — Jonatan Henik

AQSHning O‘zbekistondagi elchisi Jonatan Henik ikki mamlakat o‘rtasida kengayib borayotgan hamkorlikni e’tirof etdi.

“Jadallik bilan rivojlanayotgan sohalardan biri bu ekologik iqtisodiyot hisoblanadi. Elektr transport vositalari, quyosh, shamol energiyasi va boshqa  samarali  ekologik texnologiyalarning joriy etilishi katta miqdorda mineral talab etadi. Ishonchimiz komilki, Qo‘shma Shtatlar ushbu sanoat lideri sifatida eng yaxshi texnologiyalarga ega.

AQSH yetakchi davlatlardan biri sifatida O‘zbekiston bilan hamkorlik qilishi ajablanarli holat emas. O‘zbekiston ko‘plab foydali qazilmalarning global zaxiralarga egalik qiladi. Bu esa ikki davlat sherikligiga, kelgusi yillarda esa yanada keng ko‘lamli hamkorlik aloqalariga siyosiy asos bo‘lib xizmat qiladi.

Konchilik murakkab sanoat. Ma’danlarni qazib olishda ko‘plab tadqiqot, zaxiralarning geografik isboti va hatto ulkan investitsiyalar talab qilinadi. Ba’zida bu ekologik jihatdan ham qiyin kechadi. Amerika va O‘zbekiston kompaniyalari o‘rtasidagi hamkorlik orqali bu qiyinchiliklarni yengib o‘tishda imkoniyatlar cheksiz bo‘ladi, deb o‘ylayman.

Qo‘shma Shtatlar va O‘zbekiston kelajak energetika landshaftida mustahkam va xavfsiz ta’minot zanjirlariga ega bo‘lish uchun hamkorlik qilishi kerak. Ushbu memorandum global mineral ta’minot zanjirlarini diversifikatsiya qilish va ikki tomonlama savdo aloqalarimizni kengaytirish bo‘yicha umumiy majburiyatimizni namoyish etadi.  

O‘zbekiston bilan kengayib borayotgan strategik sherikligimizning yana bir muhim bosqichini nishonlashdan mamnunmiz!”, dedi Jonatan Henik.