“Ўзбекистон билан кенгайиб бораётган стратегик шериклигимизнинг яна бир муҳим босқичини нишонлашдан мамнунмиз” — Жонатан Ҳеник

АҚШнинг Ўзбекистондаги элчиси Жонатан Ҳеник икки мамлакат ўртасида кенгайиб бораётган ҳамкорликни эътироф этди.

“Жадаллик билан ривожланаётган соҳалардан бири бу экологик иқтисодиёт ҳисобланади. Электр транспорт воситалари, қуёш, шамол энергияси ва бошқа  самарали  экологик технологияларнинг жорий этилиши катта миқдорда минерал талаб этади. Ишончимиз комилки, Қўшма Штатлар ушбу саноат лидери сифатида энг яхши технологияларга эга.

АҚШ етакчи давлатлардан бири сифатида Ўзбекистон билан ҳамкорлик қилиши ажабланарли ҳолат эмас. Ўзбекистон кўплаб фойдали қазилмаларнинг глобал захираларга эгалик қилади. Бу эса икки давлат шериклигига, келгуси йилларда эса янада кенг кўламли ҳамкорлик алоқаларига сиёсий асос бўлиб хизмат қилади.

Кончилик мураккаб саноат. Маъданларни қазиб олишда кўплаб тадқиқот, захираларнинг географик исботи ва ҳатто улкан инвестициялар талаб қилинади. Баъзида бу экологик жиҳатдан ҳам қийин кечади. Америка ва Ўзбекистон компаниялари ўртасидаги ҳамкорлик орқали бу қийинчиликларни енгиб ўтишда имкониятлар чексиз бўлади, деб ўйлайман.

Қўшма Штатлар ва Ўзбекистон келажак энергетика ландшафтида мустаҳкам ва хавфсиз таъминот занжирларига эга бўлиш учун ҳамкорлик қилиши керак. Ушбу меморандум глобал минерал таъминот занжирларини диверсификация қилиш ва икки томонлама савдо алоқаларимизни кенгайтириш бўйича умумий мажбуриятимизни намойиш этади.  

Ўзбекистон билан кенгайиб бораётган стратегик шериклигимизнинг яна бир муҳим босқичини нишонлашдан мамнунмиз!”, деди Жонатан Ҳеник.